समजदार....
माझ्यातला आत्मविश्वास जरासा प्रसरण पावला आहे... काल पहिल्यांदा मला आयुष्यात जिंकल्यासारखं वाटलं...
अडचणीचं रडगाणं कुणापुढे न मांडता सारं काही समजदार होऊन... समजत गेलो स्वतःला आणि समजावत गेलो स्वतःच्या मनालाही....आणि म्हणून मी थोडा समजदार झाल्यासारखा वाटतो स्वतःला.
अपयश पचवणं सोपं नसतं तेवढं...भूतकाळाला मागे ढकलून... भविष्याचा वेध घ्यायला खूप हिम्मत करावी लागते.पण नेहमी लक्षात घ्यावं लागतं... भूतकाळ हा खूप काही शिकवून जातो... भूतकाळावर मात म्हणजे.. भविष्याचं द्योतक होय....हाच आत्मविश्वास असला ना... इथंच अर्ध जिंकल्यासारखं होतं ...आणि पुढचा प्रवास सुखकर होतो.
जिंकल्यावर आरशात पाहावं स्वतःला...आपल्यातला अभिमान तर पुन्हा उफाळून आला नाही ना... थोडं स्वतःला विचारून पहावं... स्वतःला समजणे आणि समजावणे ही एक सृजनशीलताच वाटेल.
’'''''''मारोती आरेवार
Comments
Post a Comment