आला दिवाळीचा सण

-


 

आला दिवाळीचा सण 

नायी आनंदाले उणं 

माय सकारी उठून 

करे सडा सारवण 


मास अस्विन हासत 

फुला फुलात दिसते

कशी चांदण्यानी रात 

लख्ख उजेडानं न्हाते


पीक पिवळं तांबूस

बाप पाहून डोलते 

आज वाऱ्याच्या झोतानं 

धरित्रीचं गाणं गाते 


माय रांगोळी काढते

माझं अंगण खुलते 

लेक येईल मायेरी 

वाट कवाची पायते 


रेलचेल फराळाची 

वास घरात घुमते 

आल्या गेल्या पाऊण्यानं 

घरं बोलकं वाटते


फटाक्याच्या आवाजानं 

गाव आज दनानलं 

सांज होताचं दिव्यानं

सारं गाव उजाडलं 


गाई मसीला पुजून

मानतात सारे ऋण 

साऱ्या सणाचा हा राजा 

असा दिवाळीचा सण 


       ,,,,,, मारोती आरेवार 

       9403239435

Comments

Post a Comment

Popular posts from this blog

गझल.... जुन्या विश्वात जाऊ

-
Image
  त्या जुन्या विश्वात तू जाऊन बघ  गोष्ट आजीची जुनी सांगून बघ  एवढाही ना करावा भरवसा  आतला माणूस तू वाचून बघ  मागल्याने हक्क अपुले ना मिळत  त्याचसाठी आजही झगडून बघ अंतरीच्या वादळाला शांत कर  संयमाने तू मना जिंकून बघ  वाटती वरवर तुला ते चांगले  या जगाला एकदा निरखून बघ वेळ येता चालुनी निर्धार कर  शोषकांना लायकी दाऊन बघ  मोह मायेचा पसारा भोवती  सत्य केवळ त्यातुनी वेचून बघ              ,,,,,, मारोती आरेवार                    मो. 9403239435
Read more

अन्नदाता

-
Image
  काटा पायात रुतून लाल रगाद सांडलं रोज गणिक रं तुझ्या दुःख भाळी कोरलेलं अनवाणी पायांनी रं रोज तुडवतो रस्ता तुरं जगाचा पोशिंदा तरी खातोस रं खस्ता तू होऊनी सारथी शेतामधी राबतोशी पोट भरण्या साऱ्यांचे राहतोशी तू उपाशी तुला भीती ना मुळीही किड्या अन रं मुंग्यांची  औत हाकताना तुला काटे नि धसकट्याची राब राबून उन्हात किती चटके सोसतो सदा दुष्काळ नशिबी निसर्गही का कोपतो तू रं चालून चालून पाय किती भेगाळलं तुझ्या अंतरीचे दुःख नाही कुणी रं जाणलं किती सोसणार आता पोळलास वेदनांनी तुझी कदर कुणाला अन्नदाता तू असुनी
Read more